BUTUAN CITY – Mi-abot na sa kapin 800 ka mga tawo ang namatay, samtang 2,800 ang angul human sa magnitude 6.0 nga linog nga ming-igo sa Afghanistan kagahapong adlawa.
Tungod sa maong katalagman, mas naglisod pa ang kagamhanan sa maong nasod nga gipanguluhan sa mga Taliban kansa kasamtangang nag-atubang sa lapad nga kagutom, ug pagkunhod sa internasyonal nga nga tabang ug pugsanong pagpauli sa mga Afghan gikan sa mga silingan niining nasod.
Sumala sa tigpamaba sa health ministry nga si Sharafat Zaman, nanginahanglan na sila og tabang gikan sa International community tungod sa gi-atubang nilang kalisod.
Natala ang pinakadakong kadaot sa Kunar ug Nangarhar. Anaa matud pa sa 610 ang namatay sa Kunar ug 12 usab sa Nangarhar.
Sumala sa Ministry of Defense, 40 na ka mga rescue flights ang gihimo, kansa nag transport sa kapin 420 ka mga angul ug patayng lawas.
