BUTUAN CITY – Gibulgar ni Batangas 1st District Cong. Leandro Leviste nga walay nahitabong opisyal nga bidding sa mga proyekto sa Department of Public Works and Highways (DPWH) sa ilang distrito ug gipili lang ang mga contractors nga duol sa dughan sa mga nakalingkod nga opisyal bugti sa mga kickbacks.
Dugang niini, gibutyag matud pa ni District Engineer Abelardo Calalo kang Leviste ang pangalan sa pipila ka mga dagkong contractors ug ang papel niini ilawom sa girepresenta niining distrito.
Sumala ni Liveste, mikabat sa P1-Billion ang gigahin nga pundo alang sa mga congressman matag-tuig. Lantaw sa kongresista, kini matud pa ang rason sa pagduol kaniya sa mga contractors dihang gibisita niya ang mga proyekto sa 1st District sa Batangas, diin lakip sa gisusi niini ang mga nasira nang proyekto.
Ugaling nakadawat na og kickback ang congressman, posible matud pang dili na kini mag-imbestiga kung substandard ba ang mga proyektong gitukod. Gibarugan usab niini nga kinahanglang matapos na ang korapsyon sa DPWH tungod kay ang katawhan ang labing apektado sa mga palpak nga proyekto.
Rason nga giawhag niini ang mga district engineers ug uban pang mga empleyado sa DPWH nga mamahimong State witness arun makita kung unsa ka dako ang nasangpit nga korapsyon.
