BUTUAN CITY – Nanawagan si Sen. Benigno “Bam” Aquino og masusing imbistigasyon sa paggastos sa Department of Public Works and Highways (DPWH) sa P360 bilyon nga pondo para sa flood control ning tuiga, kini taliwala sa padayong pagbaha sa dakong bahin sa nasod.
Subay sa gisang-at nga resolusyon, gihangyo ni Aquino ang mga komiteba sa Senado nga mohimo og imbestigasyon arun matumbok kung epektibo ba ang mga proyekto sa Department of Works and Highways kon DPWH ug kung nabutang ba sa insaktong mga lugar ang nasangpit nga mga pondo.
Sumala sa Senador nga gikan matud pa niadtung 2009 ngadto sa 2024, ning kabat na saP1.47 trillion ang kinatibuk-ang kantidad sa flood control budget, apan nagpabiling bulnerable sa pagbaha ang daghang mga komunidad. Gawas sa resolusyon, nitumaw usab ang mga taho sa giingong peke nga flood control projects nga mipabor sa mga pinili lamang nga kontraktor.
Sa bulag nga imbestigasyon sa Senate Blue Ribbon Committee, gitudlo ang dul-an sa P100 bilyone nga kantidad sa mga proyekto nga posibleng dunay mga anomaliya, lakip na ang mga proyekto nga wala mahuman, wala na kinahanglana, o gibalikbalik sa samang lugar.
Gitumbok ni Aquino ang kamahinungdanon sa transparency ug accountability sa paggasto sa mga pundo, ilabi na kay ang epekto sa pagbaha direktang mabati sa mga yanong katawhan sa Pilipinas.
