BUTUAN CITY – Suportado ni Manila 6th District Rep. Bienvenido “Benny” Abante Jr. ang extradition kang Pastor Apollo Quiboloy. Kini human mihangyo ang Amerika sa Pilipinas sa extradition sa nasangpit nga personalidad. Sumala ni Abante nga importante matud pa ang international cooperation sa pakigbatok kontra sex trafficking of women and children.
Dugang niini nga kinahanglang matabangan ang Pilipinas sa nasangpit nga mga kaso.
Sumala ni Abante, kansa kasamtnagan nga Chairman sa House Committee on Human Rights nga taliwala pa man nga nilambo na ang Pilipinas sa mga kaso niini mahitungod sa trafficking, transnasyonal matud pa gihapon ang nasnagpit mga Krimen, busa dili matud pa kini mamahimong masulbad lamang kung sa Pilipinas ra, ug nagkinahanglan gayud kini og tabang sa laing nasod.
Sumala niini nga duna matud pay Protocol sa United Nations arun pugngan ug silotan ang human Trafficking ilabi na sa mga bata ug mga kababayen-an, kansa naila matud pang Palermo Protocol nga gidawat sa Pilipinas niadtung tuig 2002.
Naghatag og suporta ang maong kasabutan sa UN Convention kontra sa mga Transnational Organized Crime ug nag-require sa mga nasod nga ning perma niini nga makigtinabangay sa pag imbistiga sa mga kasong trafficking, protektahan ang mga biktima, ug sa pag sigurong dili maka ipsot ang suspek sa hustisya.
Sigon pa ni Abante nga dili lang legal mechanism ang extradition kundili usa kini ka moral commitment.
