BUTUAN CITY – Subling gidesisyonang guilty sa Sandiganbayan si Janet Lim-Napoles ug kanhi mga opisyal sa Technology Resource Center (TRC) may kalabutan sa pag-divert sa P7.55 milyon nga Priority Development Assistance Fund (PDAF) ni kanhi Davao del Sur Rep. Marc Douglas Cagas IV.
Lakip sa gidesisyonan sa Special Third Division sa Sandiganbayan si Dennis Cunanan, ang kanhi deputy director general sa TRC, Maria Rosalinda Lacsamana ang kanhi TRC group manager, ug Rhodora Mendoza sa National Agribusiness Corporation.
Sa 149 ka plaid nga desisyon nga gipagawas sa Sandiganbayan, gipamatud-ang guilty sa duha ka ihap sa grafts ug duha ka ihap sa malversation si Napoles.
Samtang sila Cunanan, Mendoza ug Lacsamana kay gidesisyonan og tag-usa ka ihap sa graft ug malversation.
Nahukmang mapriso si Napoles og 12 ngadto sa 20 ka tuig tungod sa graft, 20 ngadto sa 34 ka tuig usab alang sa malversation. Samtang sila Cunanan ug Lacsamana kay mabilanggo og 10 ka tuig tungod sa graft ug 10 ngadto sa 14 ka tuig usab alang sa malversation.
