BUTUAN CITY – Ginegar ni Vice President Sara Duterte ang alegasyon sa Malakanyang nga palpak kini sa pangatungdanan isip kalihim sa Department of Education. Sumala sa Bise Presidente nga sa tinood, wla siya pahawaa ni Pangulong Ferdinand Marcos Jr human kini nagsumite sa iyahang resignation sa puwesto isip kalihim niadtung 2024.
Sumala niini nga gihangyo pa siya ni Marcos kung gusto pa ba niini og lang cabinet position, apan wala na niya kini gidawat. Sumala sa Bise Presidente nga laing pagpangdaut na usab kaniy ang mga balita nga palpak matud pa siya sa pangatungdanan niini isip kalihim sa edukasyon.
Una nang gikabutyag ni Palace Press Officer Undersecretary Claire Castro nga pakyas matud pa isip DepEd Secretary si Duterte tungod kay nangulahi man ang Pilipinas sa natad sa Edukasyon.
Sigon ni Sara, ang palpak matud pa, kadtung baho na og bino, buntag pa sayo. Gitumbok sa Bise Presidente sa maong pamahayag ang panahon niadtung gipasa matud pa niini kang Presidente Marcos ang iyahang resignation letter sa isip Secretary sa Departemtn of Education, diin baho na matud pa og bino ang Presidente.
Ang pamahayag ni Vice President Sara Duterte.
Dili usab kumbinsido si Palace Press Under Secretary Claire Castro sa maong mga pamahayag sa Bise Presidente, sumla sa gipagawas nga statement niini, lisod matud pa tuohan ang maong mga pasangil ilabi na kung gikan sa sa mga kasagaran mahimong source sa fake news.
Dugang ni Castro, sayo matud pa mo mata ang Presidente arun mo trabaho, ug dili matud pa parehas sa uban nga udto na kung mo-bakod. Kasamtangan nga anaa sa The Netherlands si Vice President Sara Duterte arun bisitahon niini ang iyahang amahan nga si kanhi Presidente Rodrigo Duterte.
