BUTUAN CITY – Nagtoo si House Committee on Public Account ug Bicol Saro Partylist Rep. Terry Ridon nga dunay nahitabong kinunsabuhay tali sa mga district engineers sa Department of Works and Highways kon DPWH, Bids and Awards Committee (BAC) ingon man sa Commission on Audit (COA) sa nadiskubring ghost flood control projects, kansa usa niini ang sa Brgy Piel sa Baliuag, Bulacan nga personal nga giinspeksyon ni Presidente Ferdinand Marcos Jr. kagahapong adlawa.
Sumala sa pamahayag ni Ridon, imposible matud pang nalutsan sa COA ang nahisgutang proyekto nga nga dapat unta kay flagged down na sa state auditor.
Sa kasamtangan, duha na ka mga kontratista ang napanganlan nga may kalabutan sa ghost flood control projects sama sa Wawao ug Syms Construction Trading.
Dugang pa ni Ridon nga sa mga nadiskubring ghost flood control projects sigurado matud pang dunay tulobagon niini ang tibook district engineering Office sa DPWH , BAC ingon man sa COA.
Gitakda nang maghimo og pagdungog ang house tri committee in aid of legislation kalabot sa kontrobersiyal nga flood control projects. Sigon ni Ridon nga lakip sa ilang sayron kung dunay mga legislator-contractors ang may kalambigitan sa mga anumalusong flood control projects, lakip na ang mga kumpanya nga duna ray gamayng budget apan nakakuha og bilyones nga kontrata. Saad sa opisyal nga walay santohon ang komite bisan pang ilahang mga kaubanan.
Ang pamahayag ni Rep. Terry Ridon
