BUTUAN CITY – Gikuwestiyon ni Senate Minority Leader Tito Sotto sa plenaryo sa Senado kagahapong adlawa ang komposisyon sa mga miyembro sa Commission on Appointments (CA).
Kini human gipahibalo ni Senate Majority Leader Joel Villanueva ang napulo ka majority members sa CA kansa sila si Sen. Alan Cayetano; Sen. Bato dela Rosa; Sen. JV Ejercito; Sen. Jinggoy Estrada; Sen. Bong Go; Sen. Rodante Marcoleta; Sen. Imee Marcos; Sen. Raffy Tulfo; Sen. Joel Villanueva; ingon man si Sen. Mark Villar.
Kuwestiyonable pa ang maong komposisyon sigon ni Sotto, ug gikwestyon kung nganong nakuha sa “majority” ang 10 ka puwesto sa nasangpit nga komisyon.
Apan pasabot ni Sen. Villanueva, sumbanan matud pa sa maong paagbahin ang 80-20 nga representasyon gikan sa majority ug minority. Pasabot nga 80% sa 12 ka mga miyembro kon 9.6 kansa gi-round off ngadto sa 10, samtang ang 20% usab kay 2.4 nga ni-round off isip 2. Apan sigon ni Sorro nga klaro ang desisyon sa Korte Suprema nga kung dunay kontrobersiya sa komposisyon sa CA, kinahanglang sundon sa Senado ang partylines ug party representation.
Dugang niini nga walay “9.6, 9.5, 2.5 o 2.4.”. Kinahanglan matud pa kini nga naka-uyon partido: Pananglitan, kung unom ang miyembro sa Nationalist People’s Coalition, tulo kanil aang anaa sa CA. Kung lima usab ang gikan sa Nacionalista Party, 2.5 dapat ang ilahang representasyon, nga mamahimong himoon og duha, o tulo, depende sa desisyon sa mga partido.
Para sa Partido Demokratiko Pilipino (PDP) nga dunay tulo ka miyembro sa majority bloc, kinahanglan usab silang dunay representasyon sa CA. (AUDIO VIDEO OF….NASYONAL 1…CUE OUT….THE MINORITY)Ang pamahayag ni Senador Tito Sotto. Subway niini, gi-differ una ang maong hisgutanan sa Senado.
