BUTUAN CITY – Nasakmit sa Butuan City Police Office ang ikaduhang pwesto alang sa “Best City Police Office” sa Pilipinas, diin nakaagbat niini ang kinatibuk-ang 149 ka mga police station sa tibook nasod.
Nag-una lamang niini ang Iloilo City Police Office sa Police Regional Office 6.
Lakip sa finalist ang Davao City Police Office (DCPO) sa Davao Region.
Gianunsyo ang maong kadaugan atul sa 124th Police Service Anniversary Celebration sa Camp BGen Rafael T. Crame, Quezon City. Subay niini, subli usab nga nakuha sa Butuan City Police Office ang Medalya ng Kasanayan kon PNP Efficiency Medal nga gi-hatag kagahapong adlawa sa Police Regional Office 13, Camp Col Rafael C Rodriguez, Libertad, Butuan City.
Ang PNP Efficiency Medal, kay pasidungog nga gihatag sa Philippine National Police (PNP) arun sa pag-ila sa di matupngan nga serbisyo sa mga personahe niini.
Lakip sa mga criteria niini ang Exceptional administrative accomplishments, Completion of major projects, pagsulbad sa mga sensational nga krimen, ug uban pa.
Tungod sa maong kadaugan ug mga pasidungog, dako ang pasalamat sa mga kapulisans a Butuan, pinaagi sa direktor niining si PCOL Rommel Villamor, sa mga stakeholders, ilabi na sa pangamhanan sa Syudad sa Butuan ug sa mga ka-barangayan niini alang sa suporta ug sa mga inisyatiba.
