BUTUAN CITY – Gitudlong sad-an sa pag-suyop og marijuana ang artista, ug karon Political Affairs Officer ni Senador Robin Padilla sa Senado, nga si Nadia Montenegro sulod mismo sa Buhatan sa Senado.
Subay sa report kagahapong adlawa sa Senate Office of the Sergeant-at-Arms (OSAA) ang alegasyong duna matud pay ning gamit og marijuana sulod sa Senate Chamber. Sumala sa report, dunay nasimhutang dili kasarangan nga baho ang security personnel nga si Victor Patelo sa pansayan sa mga babaye duol sa Senators’ extension offices.
Kaduha ka beses matud pa kining nahitabo diin ang una, niadtung hunyo 2025 asa gitawgan matud pa siya sa kauban niining security ug gisumbong nga duna kini na simhutang dili kasarangan nga baho; samtang ang ikaduha, ning Agusto 12, diin ang staff na ni Senator Ping Lacson ang nakasimhot sa maong baho sa pansayan sa mga babaye, sigon sa report, marijuana matud pa ang nasangpit nga baho.
Apan dihang gisusi, si Nadia Montenegro lamang ang anaa sa maong pansayan. Sigon ni Patelo, gi kompronta matud pa niini ang artista, apan gi deny niining marijuana ang iyahang gi hit-hit, ug giangkon nga duna kini dalang vape sa iyahang bag. Gimando na ni Senador Chiz Escudero ang ug sa opisina ni Senador Robin Padilla ang imbistigasyon sa maong insidente.
Sigon ni Senate Secretary Atty. Renato Bantug Jr., nagsumbite na ang OSAA og report sa maong insidente, ug nakadawat na usab og kopya niini ang opisina ni Senador Padilla.
Wala pa’y pamahayag niini si Senador Robin, apan sumala sa chief of staff niining si Atty. Rudolf Philip Jurado, naglusad na sila og imbistigasyon sa maong alegayson.
