BUTUAN CITY – Nasubo si Philippine National Police Chief, Police General Nicolas Torre III sa nadangatan ni late Patrolman Ferry Sida Jaso – membro sa Criminal Investigation and Detection Group kon CIDG Regional Field Unit-Dinagat Island human kini gipusil-patay atol sa lehitimong operasyon nga nahimong armed encounter.
Gipadayag kini sa opisyal sa iyang pagbisita sa haya sa maong pulis sa pinuy-anan niini sa Barangay San Francisco, Mainit, Surigao del Norte. Kahinumdumang patay usab ang mipusil kaniyang job order employee sa lokal nga kagamhanan nga si Abner ‘Anjun’ Casador Jr, human gipusil usab sa kauban ni Jaso nga si Patrolman Leonel Estroso, 31 anyos, minyo, miyembro usab sa CIDG-DIPFU ug taga-Silang, Cavite.
Sigon ni General Torre, bisan og sakit alang kanila ang nahitabo apan ang ila karong mapasigarbo nga namatay si Jaso tungod sa paghimo sa iyang katungdanan alang sa kaluwasan sa katawhang giserbisyuhan niini.
Iya usab nga gisubli pagpahibalo sa katawhan ug sa iyang ginsakupan ang 5-minute rule ilalom sa iyang kadumalahan niini, diin usa lamang matud pa ka tawag sa publiko sa 911 ugaling dunay emergency, maka-abot gilayon ang mga pulis sulod lamang sa lima ka minuto.
Sumala ni Torre, bisan og dili gayud makuha sa kapulisan ang lima ka minuto, ilabina sa kadako sa lugar ug sa kagamay sa ialng pwersa apan saad niini, paningkamotan gayud sa mga pulis ang 5-minute rule sa ilang ahensya.
Ang pamahayag ni Philippine National Police Chief Director General Nicolas Torre III.
