BUTUAN CITY – Giklaro ni Marvy Cababan, Administrative and Finance Division officer sa Department of Transportation kon DOTr-Caraga nga dili empleyado sa Land Transportation Office kon LTO si Abner Casador Jr alyas Anjun, taga-Purok 1, Brgy. Sta. Cruz, San Jose, Dinagat Islands, kondili job order employee sa lokal nga kagamhanan sa San Jose.
Kini human namusil patay kang Patrolman Ferry Sida Jaso, 29-anyos, taga-Mainit, Surigao del Norte kansa naka-assign sa CIDG-Dinagat Islands.
Nasayrang patay usab gilayon si Casador human kini gibaslan pagpusil ni Patrolman Leonel Estroso sa makapito ka higayon hinungdan sa iyang hinananling kamatayon.
Sumala ni Marvy Cababan, walay connection ang LTO kang Casador ug job order employee kini sa LGU. Gi-angkon pa niini nga kaniadto lang na-detail sa LTO-Dinagat Islands si Casador ug nahuman ang iyang kontrata niadtong Hunyo 30 ning tuiga.
Sa pagkakaron wala pa silay na dawat nga renewal sa iyahang detail order gikan sa mayor’s office.
Ang pamahayag ni Marvy Cababan, Administrative and Finance Division officer sa Department of Transportation kon DOTr-Caraga.
