BUTUAN CITY – Makadawat ang tanang mga nanulod sa ilang mga tagsa-tagsa ka trabaho karogn adlawa og 30% nga dugang sa ilahang sweldo.
Kini ang gianunsyo sa Department of Labor and Employment (DOLE) subay na usab sa Labor Advisory No. 09, Series of 2025, kalabot sa deklarasyon nga special non-working day sa tibook nasod arun saulogon ang anibersaryo sa Iglesia Ni Cristo, base sa Proclamation No. 729 nga gi-permahan ni Pangulong Ferdinand Marcos Jr.
Sumala sa DOLE epektibo ang “No work, no pay” para sa mga empleyadong dili motrabaho, gawas na lang kung dunay kasabutan sa sa kompanya o collective bargaining agreement.
Tungod niini, makadawat og 130% sa sweldo ang empleyado para sa unang 8 ka-oras sa trabaho ugaling mosulod kini.
Duna usay dugang bayad sa overtime nga 30% sa hourly rate subay sa gikatakdang formula.
Kung matunong usab sa rest day,madawat gihapon sa maong empleyado ang 150% sa regular nga adlawng sweldo niini. Alang sa overtime sa rest day ug special day, duna gihapon kini dugang nga 30% sa matag oras nga rate.
Gipahinumdoman sa DOLE ang mga negosyante nga sundon ang saktong wage policy sa mga trabahante nga nagtrabaho sa maong special holiday.
