BUTUAN CITY – Andam na ang Philippine National Police (PNP) alang sa ika-upat nga State of the Nation Address of ni Presidente Ferdinand Marcos, Jr., sa Batasang Pambansa in Quezon City ugmang adlawa, Hulyo 28, 2028.
Sigon pa ni Philippine National Police Chief Gen. Nicolas Torre III nga andam matud pa sila sa ‘best’, andam usab sila sa ‘worst’. Usa usab sa ilahang gikunsidera mao matud pa ang daot nga panahon.
Sumala niini, walay mabag-o s ailahang planom ug ang tanan, naka han-ay ug plastado na.
Hangyo lamang sa ni Torre, kinahanglang magbaton matud pa ang mga kapulisan og ‘maximum tolerance’ alang sa mga magprotestang mga kababayan, isip katungod man kini sa mga Pilipino nga mopagawas sa ilahang tingog.
Sumala usab ni NCRPO spokesperson Police Major Hazel Asilo, nakig koordinar na sila sa intelligence community alang sa kahapsay sa maong kalihukan ugmang adlawa.
Dugang sa opisyal nga duna nay mga naaproba nga permits alang sa mga mag-protesta atul sa maong kalihukan.
Dugang ni Asilo nga tagaan lamang og parehong limitadong mga luna ang mga pro, ingon man anti-Marcos alang sa ilahang himoong rally arun wala matud pay mahitabong bias.
Dugang sa NCRPO nga mokabat sa 22,987 ka mga police personnel ang na-deploy na alang sa seguridad sa SONA sa Presidente. 16-mil niini ang gikan sa NCRPO, samtang ang uban kay gikan sa Region 4A ug sa Police Regional Office 3.
