BUTUAN CITY – Wala’g tuo ang mga politikong nagpagawas karong sa ilahang mga opinyon kalabot sa desisyon sa Kote Suprema kagahapong adlawa, kansa mao ang pag-deklarang unconstitutional sa articles of impeachment ni Vice President Sara Duterte. Dunay mga nagsubo, ug nasuko, apan duna usay mga nagmaya mahitungod sa maong desisyon.
Sumala ni Senador Bam Aquino, kinahanglan matud pang ipadayon ang impeachment trial batok kang Vice President Sara Duterte. Sumala sa pamahayag niini sa iyahang social media account pila ka oras human sa deklarasyon sa Korte Suprema, nga gisangon matud pa sa Konstitusyon ngadto sa Senado ang mandato, katungdanan, ug gahom alang sa impeachment trial, ug andam na matud pa silang dunggon ang maong kaso, busa kinahanglan matud pa kining dunggon gilayon.
Ang pamahayag ni Senador Bam Aquino.
Subay niini, gipaniguro usab ni Mamamayang Liberal Partylist Rep. Leila De Lima ngadto sa mga nadismaya sa maong desisyon nga dili matud pa kini “vindication” kon pag-papas sa sayop sa usa ka tawo. Subay sa kanhi Justice Secretary nga technical matud pa ang maong desisyon busa walay pangalan nga nalimpyo o sala nga napapas. Giawhag niini ang publiko nga dili ma-anad sa mga lider nga dili mapatubag sa ilahang mga sayop.
Ang pamahayag ni Mamamayang Liberal Partylist Rep. Leila De Lima.
Sa laing bahin, kantsaw usab nadawat sa mga kongresista gikan kang kanhi Presidential Spokesperson Harry Roque mahitungod sa desisyon sa Korte Suprema. Sa pamahayag niini, gidayeg ni Roque ang Dios dayong butyag nga wala matud pa kini nagpasagad sa pagpugong sa mga “tambaloslos” ug mga “vangag” nga matangtang sa pwesto si Vice President Sara Duterte.
Ang pamahayag ni kanhi Presidential Spokesperson Harry Roque.
Kasamtangang anaa pa sa The Hague, Netherlands si Roque human kini ni hawa sa Pilipinas tungod sa pag cite in contempt kaniya sa mga House of Representative.
Alayon niini, gihupay usab ni Palace Press Office Claire Castro ang publiko pinaagi sa pamahayag nga girespeto sa palasyo ang desisyon sa Korte Suprema. Giklaro niining rebyuhon pa sa Malakanyang ang desisyon sa Korte nga nagdeklarang unconstitutional ang Articles of Impeachment nga gi-transmit sa House of Representatives ngadto sa Senado.
Ang pamahayag ni Claire Castro.
Sa kasamtangan, lakip sa mga ning tingog nga mga politiko mahitungod sa maong isyu sila Senadora Imee Marcos kansa nagpagawas og pamahayag nga respituhon usab ang desisyon sa Supreme Court, ug nag sugyot sa mga kaubang Senador nga undangon na ang pamulitika. Anaa usab sila Senador Robin Padilla nga naghangyong respetuhon ang Supreme Court; ug Senator Risa Hontiveros nga dismayado sa maong desisyon.
