BUTUAN CITY – Gianunsyo ni US President Donald Trump sa social media account niini nga kunhoran sa Estadus Unidos ang ipatung nga taripa sa Pilipinas ngadto sa 19% gikan sa 20%, apan ang US, mamahimo matud pang open market sa Pilipinas, pasabot nga walay taripa nga ipatung sa tanang produkto nga gikan sa US nganhi sa nasod.
Kahibaloang subling gipalig-on sa duha ka lider ang relasyon sa Pilipinas ingon man sa Estados Unidos atul sa pagbisita ni Presidente Marcos Jr. sa White House kagabie, oras sa Pilipinas.
Sa opening statement ni Trump, gidayeg niini ang pamilya Marcos sa Pilipinas, kansa maayo matud pa og legasiya sa nasod. Dugang pa ni Trump nga bugtong hisgutan matud pa nila ni Marcos moa ang dagkong trade deal.
Alayon niini, subling gipasigarbo ni Presidente Marcos ang ka-suod sa Pilipinas ingon man sa Estadus Unidos sukad pa sa nakalabayng mga katuigan.
Subay usab sa pangutana mahitungod sa receprocal tariffs nga gipatung ni trump sa tanang import goods nga gikan sa Pilipinas, sigon sa Presidente sa America nga maayo matud pang negosyador ang Presidente sa Pilipinas, busa naglaum kining duna matud pa silay masabutan sa kasamtangang pag bisita ni Marcos sa US.
Sumala usab ni Marcos nga ang US matud pa ang pinaka-masaligang nasod sa Pilipinas isip partner.
sa panagkita nila ni Presidnete Trump. Sayrang si Presidente Marcos pa ang pinakaunang Southeas Asian Leader nga nakigkita kang Trump sa ikaduha niining Termino.
Sumala usab ni Trump nga dagkong negosyo matud pa ang gihimo sa US ug Pilipinas karogn tuiga, diin nakurat matud pa siya sa kadagko sa mga nakita niining numero, kansa mamahimo pang molobo pinaagi sa himoon nilang mga trade deals.
Sayrang ning nakalabayng tuig 2024, mas daghan ang gi-import sa US gikan sa Pilipinas kon itandi sa gi-export niini, kansa ning resulta sa $5 billion gikan sa total nga $23.5 billion alang sa two-way trade, isip lakang, gipatas-an ni Trump ang taripa gikan sa mga imported goods nga gikan sa Pilipinas ngadto sa 20% gikan sa 17%a run mamahimong “reciprocal” ang binayloay sa nasod og produkto.
