-- ADVERTISEMENT --

BUTUAN CITY – Ning kabat na sa 19 ang patay, samtang kapin sa 160 usab ang angul human nahagsa ang Bangladesh Air Force F-7 BGI training jet sa usa ka eskwelahan sa kaulohang Dhaka bandang ala 1:30 ang takna sa hapon, oras sa maong nasod.

Sayrang nahagsa ang maong training jet sa three-storey school building nga Milestone School and College campus, kansa nahimutang sa Uttara neighborhood, sa kaulohang Dhaka.

Subayu sa imbistigasyon, kadaghanan matud pa sa mga nangaangul ang nakasinati og severe burns; samtang sigon sa mga nakasaksi, dali matud pang nikuyanap ang kalayo sa maong eskwelahan, rason sa nahitabong kaguliyang sa mga estudyante ingon man magtutudlo.

Sa kasamtangan, gideklara na sa maong nasod ang National Day of Mourning, samtang ning saad na usab si Interim leader Muhammad Yunus og masusing imbistigasyon sa maong panghitabo.

Sayrang gama ang maong training Jet sa China.

-- ADVERTISEMENT --

Naila kini isip Chinese-made F-7 BGI, kini na usab ang ikaduhang higayon nga dunay nahagsang susamang aircraft sa maong rehiyon karong tuiga, rason nga daghan sa mga kritiko ang nabalaka sa maong aircraft model.

Una nang dunay nahagsa nga Chinese-made F-7 BGI jet sa Myanmar niadtung Hunyo 10 ning tuiga, diin upat ka mga sibilyan ang namatay.