BUTUAN CITY – Gisaad sa Philippine Drug Enforcement Agency kon PDEA-Caraga nga pakusgon pa ang pagpanikop sa mga indibidwal nga padayong nalambigitan sa ilegal nga drugas, bisan og asa pa sila sa suok nga bahin sa rehiyon.
Kini ang pamahayag ni PDEA-Caraga Spokesperson Dindo Abellanosa human nasikop sa ilang mga operatiba ang upat ka mga indibidwal ning nakalabayng semana, kondiin mi-abot sa uno-milyunes, 224-mil pisos sa gituohang shabu ang nakuha gikan kanila sa Purok 2, Brgy. Poblacion, lungsod sa Barobo, Surigao del Sur.
Naila ang mga nadakpan nga sila Sadam Emam Umpa Ampaso, Jalal Umpa, Jamil Ompa ug si alyas Ali nga usa ka menor de edad. Sumala ni Abellanosa, mando sa ilang regional director nga kiahanglang usa sa ilang bantayan ang mga tugpahanan ug pantalan ilabi na sa mga lagyong probinsya tungod kay punterya man kini sa mga turista nga maoy kasagarang mugamit sa mga illegal nga druga.
