BUTUAN CITY – Mi-abot na sa 24-mil ka mga indibidwal sa tibook Mindanao ug Visayas ang apektado sa nagtunhay nga Southwest monsoon kon sa hanging gabagat.
Sa Negros Occidental, gipukaw sa dakong baha ang mga residente kagahapong adlawa, kondiin ubay-ubay nga mga hayop ang nangamatay tungod sa kalit nga baha kansa nilampurnas sa munisipalidad nga Moises Padilla.
Sumala sa Negros Occidental Provincial Disaster Risk Reduction and Management Office, walo na ka mga Local Government Units ang apektado sa mga pagbaha ingon man sa kusog nga pag ulan. Sa Zamboanga City, kapin sa 200 ka mga pamilya na usab ang gihikling tungod sa kusog nga hangin ug balod nga minghapak sa mga coastal areas nga nagpahapla sa ubang mga kabalayan.
Samtang sa Cagayan Valley, gitaho sa sa Cagayan Provincial Information Office nga dunay na-anod nga jeep human ningtabok sa wala pa gibaha nga sapa, apan ningdako og kalit ang baha rasong wala niini nakaya ang kakusog sa tubig ug hingpit nga na-anod. Bugtong driver lang ang sakay sa maong dyip.
