BUTUAN CITY – Giklaro sa Department of Finance kon DOF nga dili bag-ong buhis ang ipatuman ilawom sa Capital Market Efficiency Promotion Act kon CMEPA, kundi ang pagpatuman lang sa usa ka 20% nga tax rate sa tanang interest income, gikan sa bank deposits.
Kini aron tangtangon ang dili patas nga sistema nga mipabor sa mga adunahang adunay long-term deposits.
Sumala sa DOF, ang maong buhis nagtunhay sukad pa niadtong tuig 1998 ug gitangtang lang kini sa CMEPA, kansa nahimong epektibo niadtong Hulyo 1 sa kasamtangang tuig ang mga daang exemption ug preferential rates.
Gibutyag usab sa ahensya nga dili retroactive ang bag-ong patakaran ug dili sakop ang saving sa Social Security System kon SSS, Government Service Insurance System kon GSIS, ug sa Pagtutulungan sa Kinabukasan: Ikaw, Bangko, Industriya at Gobyerno kon PAG-IBIG kansa nagpabiling tax-exempted.
