BUTUAN CITY – Mi-atras na ang beteranong abogada nga si Lorna Kapunan isip legal counsel sa bilyonaryong gaming tycoon nga si Charlie “Atong” Ang, usa ka semana human gisang-at sa kampo ang reklamo batuk sa whistleblower nga si Julie Patidongan nga naglambigot kang Ang sa pagkawala ug pagpapatay matud pa sa 34 ka mga sabungero.
Sumala pa nga gipili na lamang ni Kapunan nga biyaan ang kaso arun makapokus kini sa iyahang papel isip volunteer private prosecutor sa nagkadool nga impeachment trial ni Vice President Sara Duterte.
Gawas niini, lantawon matud pa karon sa House leaders ang posibilidad sa pag-tangtang kang Kapunan sa prosecution panel tungod sa “bad optics” may kalabutan sa isyu.
Sa kasamtangan, wala pay opisyal nga kompermasyon gikan sa kampo ni Atty. Kapunan samtang nagkaduol na usab ang tentative schedule sa pagsugod sa trial nga gitakda ni Senate President Francis Escudero karong July 29.
Hawid na karon sa Rondain-Mendiola Law Office ang kaso ni Ang.
