BUTUAN CITY – Dakong komedya alang sa kampo ni kanhi Presidente Rodrigo Roa Duterte ang pamahayag ni Justice Secretary Jesus Crispin “Boying” Remulla nga mamahimo matud pang may kalambigitan sa ‘war on drugs’ sa kanhi Presidente ang kaso sa mga nangawalang sabungeros.
Sumala ni Jeffrey ‘Ka Eric’ Celiz, ang Secretary General sa Sambayanan, nga kalro matud pa ang rason sa maong pamahayag, kansa mao ang pagdaot kang kanhi Presidente Duterte ug pag-intriga sa programa niining sumala pa, dakong tabang sa mga Pilipino.
Kahinumdumang gibutyag ni Secretary Remulla ning nakalabayng adlaw nga pipila matud pa sa mga kapulisan nga may kalambigitan sa sa pagkawala sa mga sabungeros, kay parte usab sa death squad sa kanhi Presidente sa panahaon sa war on drugs niini.
Dugang ni Celiz nga gusto lamang sa kasamtangang administrasyon nga e-demonize ang kanhi Presidente pinaagi sa pagsulod sa mga Pulis nga may kalambigitan sa mga nangawalang sabungeros ngadto na sa war on drugs.
Gitawag usab niini nga “cheap mechanism” ni House Speaker Martin Romualdez, ingon man sa kasamtangang Presidente ang paggamit sa House of Representative arun mabungkag ug ma-demonize si Kanhi Presidente Duterte.
Saysay ni Celiz nga tumong matud pa sa subling gisugyot na usab nga house quadcom mao ang pagbungkag sa nahabiling political influence sa Duterte Political group.
Ang pamahayag ni Jeffrey ‘Ka Eric’ Celiz, ang Secretary General sa Sambayanan.
Sayrang gi-file ni Manila 6th district Representative Benny Abante kagahapong adlawa ang House Resolution 53 kansa tumong ngasubling ablihan ang House Quad Committee arun imbistigahan ang kaso sa pagkawala sa mga sabungeros.
