BUTUAN CITY – Hugot nga gipanghimakak ni Kurt Joseph Raneses, Kapitan sa Barangay Banag-banag, Sibagat, Agusan Del Sur ang mga pasangil batok kaniyang may kalambigitan sa pagpanulata.
Saysay ni Abet, pa-uli na matud pa siya sa ilang panimalay human sa selebrasyon sa adlawng natawhan sa iyang manghud, apan gisundan matud pa siya sa nakainum na usab nga Kapitan, dayon gituklod matud pa siya hinungdan sa iyang pagka-umod dayong kulata, bisan walay klarong hinungdan.
Wala matud pa’y nakakita sa aktuwal nga pagpanghitabo tungod sa kangitngit ug kay wala pa nanguli ang ubang bisita. Apan sumala sa Kapitan, dili matud pa tinuod ang maong mga sumbong, tungod kay niuna na matud pa siya og uli gikan sa maong birthday celebration, kansang nagsaulog, asawa ra usab sa iyahang uyoan.
Sigon niini nga ang tinood, iyaha ra matud pang gibalikan si Abet arun kini agakon pauli tungod kay banha naman kini.
Apan tungod sa kahubog, nanga-umod matud pa sila sa kanal sa may barbwire dapit sa mga bulak nga ‘bombels’. Gani, nata-ta pa ang baba niini sa alipudhan ni Abet.
Dugang niini nga ning syaget matud pa ang maong mag-uuma og “ayaw kap” sa maka-duha tungod kay dili matud pa kini gustong mopauli, apan ang maong mga pulong, daw na mis-interpret pa sa uban nga gikulata matud pa niini si Abet.
Subay pa sa kapitan nga politika matud pa ang maong mga pasangil kaniya, ug character assasinataion, ilabi na nga ang nag-uban matud pa sa anak sa gikaingong biktima nganhi sa sibyahan kay leader usab sa pikas politikan party, kansang naparot sa partido niini pinaagi sa landslide votes nga 18-0.
Apan pagklaro sa Kapitan, wala na matud pa siya mitingog sa maong isyu tungod kay nasanyod man siya sa kamatuoran, ug gipasagdan na lamang usab niini ang nasangpit nga indibidwal nga moduol sa bisan asa, lakip na sa kapulisan ug sa media, arun dili niini matamakan ang katungod sa gikaingong biktima.
Sigon sa Kapitan, dili bug-at alang kaniya ang maong panghitabo tungod kay nasayod man siya nga wala siyay dautang nahimo.
Ang pamahayag ni Kapitan Kurt Joseph Raneses.
