BUTUAN CITY – Gikumperma sa whistleblower ug usa sa mga suspek sa kaso sa mga missing nga sabungeros nga si Julie Patidongan alyas Totoy nga gikidnap matud pa daan adiser gipamatay sa usa ka slaughterhouse dapit sa fishpond sa Laurel, Batangas ang mga biktima adiser gitambog ang uban niini sa may Taal Lake.
Una nang gikumperma ni Patidungan nga gibutangan og pampabug-at ang sako nga gisudlan sa mga biktima arun dili kini manglutaw sa lawa. Sumala pa ni Totoy nga ang sistema, gikidnap una ang mga biktima, adiser gikuha ang bayad sa mga suspek nga tunga sa milyon pagkasunod adlaw, ayha kini gipamatay — wala matud pay gibilin, tanan gipapatay, mapa-bata man o babayeng mabdus.
Sayrang lakip sa nawala ang babayeng mabdus nga si Jonnalyn Lubgin, 22 anyos, kansa ning uban sa sabungero niining bana nga si Nomer de Pano sa Batangas, niadtung January 7, 2022.
Gikabutyag usab ni alyas Totoy nga dunay mga Pulis nga dawit sa maong kaso ang gustong motingog ug ikanta ang ilahang mga nasayran. Usa na niini ang gitawag ni Totoy nga si Vito, kansa usa ka lieutenant colonel nga nahimong team leader sa nasangpit nga sindikato. Sigon sa whistleblower nga gibayaran matud pa ang maong pulis og 2 milliones matag bulan aalng sa papel niini.
Sa kasamtangan, gikatakda pang magsumite si Patidungan sa iyahang official affidavit ugmang adlawa. Una nang gang negosyanteng si Charlie ‘Atong’ Ang ug ang Philippine Charity Sweepstakes Office kon PCSO chairperson nga si Felix Reyes nga mupa-ilalom sa lie detector test. Kini aron mapamatud-an ang kridibilidad sa iyang mga alegasyon batuk sa maong mga personalidad nga sila matud pa ang utok sa nangawalang mga sabungero.
Sigon ni alyas Totoy, duna siya’y gihuptang mga ebidensya batuk sa retiradong huwis nga si Reyes nga mao matud pa’y responsable sa pagpadagan sa mga kaso o reklamong gi-atubang kaniadto ni Atong Ang. Gipanghimakak kini ni Reyes dayong tambag sa whistleblower nga magpakahilom na lang kung dili niini kayang pamatud-an ang iyang mga alegasyong case fixing.
