BUTUAN CITY – Mas paspas ng karong ang confirmatory testing sa Human Immunodeficiency Virus kon HIV, usa ang maong lakang arun masayran kung positibo ba ang indibidwal sa nasangpit nga virus.
Sumala sa Department of Health kon DOH nga duna nay 168 ka mga rapid HIV diagnostic algorithm laboratories nga operational na sa nasod ning kasamtangan, kansa ginagamit arun makumperma ang mga reactive o kadtung mga nagpositibo sa initial screening test.
Ginahimo ang confirmatory testing adiser mopadayon ang indibidwal nga nagpositibo sa maong virus sa treatment services sa pangamhanan.
Samtang, duna usay pahimangno ang mga medical expert ngadto sa publiko, ilabi na niadtung mga mahadlok magpa test. Sigon ni Dr. Gory Opeña, usa ka family doctor, nga wala matud pay laing pamaagi arun masayran kung nagpositibo ba ang usa ka indibidwal sa HIV kung dili kini magpa test.
Saad pa niini nga dili mahadlok ugaling magpositibo sa HIV tungod kay duna na matud pay mga tambal nga mamahimong tumaron arun magkinabuhi ka nga normal, sumala niini nga dili na matud pa death sentence ang HIV sama niadtung panahon sa 19800’s.
Tumong matud pa sa DOH nga makab-ot ang 95-95-95 health target kansa nagpasabot nga kinahanglang 95% sa mga Pilipino nga dunay HIV ang makabalo sa ilang status; 95% sa mga duna niining maong sakit nga nasayod sa ilang status ang maka-avail sa ilang anti-retroviral therapy kon ART; ug 95% sa mga anaa sa ART Program ang mamahimong undetectable sa tuig 2030.
