BUTUAN CITY – Gi-andam na sa Department of Justice ang mga kaso nga mahimong isang-at batok sa mga suspek nga mapamatud-ang may kalambigitan sa pagkawala sa mga biktimang sabungero.
Sigon ni Justice Secretary Jesus Crispin Remulla, ila nang gitun-an ang mga kasong isang-at mahitungod sa missing sabungeros.
Gawas matud pa sa murder case, posibleng duna pay ubang mga kasong mapasaka sama sa kidnapping nga nahi-uyon sa International Humanitarian Law. Sigon ni Justice Secretary Remulla, ila nang imbestigahan ang mga tag-iya sa mga fish ponds sa Taal lake nga gikonsiderang ground zero sa diving operation tungod kay lakip kini sa mga may kalambigitan sa krimen kansa gituohang lokasyon sa gilubong nga mga sabungero.
Dugang pa sa opisyal, dili niya ma-imagine ilabina dihang gibutyag sa whistleblower nga si Alyas Totoy, nga gilubong matud pang buhi pa ang uban.
Ang pamahayag ni Justice Secretary Jesus Crispin Remulla.Ka-abag sa DOJ ang uban pang ahensya sa gobyerno sa pagpangita sa mga bukog sa nasangpit nga mga biktima sa Taal Lake.
Nangayo na usab sila og tabang sa Japan alang sa himuong exploratory dive sa nasangpit nga lawa.
