BUTUAN CITY – Hilabihan ang pagbasol sa usa ka lalaki human niini nahinaykan niya ang iyang kapuyopinaagi sa pagpanigbas patay sa nakalabay nga gabii sa National Highway, Barangay Matabalo, Buenavista, Agusan Del Norte.
Saysay pa sa suspek nga si Paterno Infuento Jr., 48 anyos, ug nagtingkagol na karun sa Buenavista Municipal Police Office nga gi-imbitar sila sa iyahang kaipon og bunyag diin didto nagsugod ang selos human dunay tawo nga daw huboan na matud pa ang iyang asawa ug anak rasong nanghagad siyag uli nga maoy gikasuko sa biktima nga si Jayzamay Kikoy.
Pag abot sa ilang balay, nagpadayon ang ilang lalis hangtud nga mibalik sa bunyag ang iyang kapuyo og iyang anak samtang ang suspek natulog lang sa balay.
Gabie na matud pa dihang nakamata ang suspek, ug wala pa nakauli ang biktima rasong iya kining giapas, didto hubog-hubog na kini.
Dugang niini nga gidukdok matud pa sa bitima ang iyahang ulo dihang sila pauli na, rason nga daw napalong ang iyahang panan-aw. Nag sigi pa usab og yawyaw ang iyahang kaipon sa tricycle rason sa kapungot niini.
Dinhe na niya gipahunong ang tricycle ug gikuha ang sundang nga anaa sa ilang gisakyan, dayong himo sa mangilngig nga kremin. Apan pamugos sa suspek, wala siya nahibalo sa iyang gibuhat atul sa kremin , apan nahimasmasan nlang human niini, rasong iya gilayong gibuhian niya sundang og gustong maghunos sa kaugalingong kinabuhi pinaagi sa pagpaligis sa dalan.
Apan wala matud pay niligis kaniya, rasong mi-adto nalang kini sa ngi-ob nga lugar og didto nagtago hangtud nga naaresto.
Subay niini nga bisan anaa sulod sa selda, nag sige ra matud pa siya og hilak tungod sa tumang paghigugma matud pa niya sa maong biktima.
