BUTUAN CITY – Patay ang usa ka miyembro sa rebeldeng grupong New People’s Army kon NPA atol sa engkwentro batok sa ginsakpan sa 29th Infantry Battalion, Philippine Army, didto sa kabukiran sa Barangay Pianing, ning siyudad sa Butuan kagahapon sa sayong buntag.
Sigon ni 1LT Rolando Baodo sa 29th IB, nagsugod ang unang engkwentro mga alas 5:20 sa buntag kans milungtad og dis-minutos. Sa ikaduhang engkwentro na nahitabo mga alas 7:30 sa buntag, didto na napatay si alyas Jacob kinsa gitu-uhang kauban ni Maria Malaya nga nalambigit sa mi-aging engkwentro batok sa 30th Infantry Battalion.
Usa sa mga kauban ni “Jacob” ang misurender human sa maong insidente.
Gi-ila ni 1st Lt. Baodo, si Alyas “Jacob,” nga opisyal sa Regional Headquarters sa North Eastern Mindanao Committee sa NPA, kauban si Marjun Navarro alyas Julia.
Narekober sa encounter site ang duha ka high-powered firearms, usa ka bandolier, mga subersibong dokumento, ug usa ka cellphone.
Ang pamahayag ni 1LT Rolando Baodo sa 29th Infantry Battalion, Philippine Army
