BUTUAN CITY – Gi-finalize na sa Mines and Geosciences Bureau kon MGB-Caraga ang ilang report kalabot sa pagkalumos-patay sa upat ka mga illegal small-scale miners didto sa Sitio Cosep, Purok 11 Barangay Bayugan 3 Rosario Agusan del Sur.
Sigon ni Engr. Glenn Suante, tigpamaba sa maong buhatan, duna’y small-scale mining permit ang gihatag sa maong dapit nga nahitabuan kaniadto apan niadtong tuig 2016, nagpagawas og executive order nga nagtumbok og usa ka ugar isip minahang bayan aron didto na magmuna ang mga tawo.
Apan giklaro niini nga dili apil sa deklarado ang minahan diin namatay ang mga minero. Tungod niini, nagpagawas ang ilang buhatan og cease and desist order niadtong tuig 2017 alang sa maong mining tunnel rason nga gi-condemn na kini pana gibalik-balikan sa mga illegal local miners kung wala’y magbantay alang sa ilang panginabuhian.
Alayon niini, subling tun-an sa ilang ahensya ang pagpalig-on sa daan nang napagawas nga cease and desist order batok sa mga illegal small scale miners sa probinsya sa Agusan del Sur.
Sumala ni Engr. Glenn Suarte, makigtinabangay sila sa mga Uniformed personnel ingon man sa mga enforcement agencies alang sa mas istriktong pagpatuman sa nasangpit nga kamanduan.
Ang pamahayag ni Engr. Glenn Suarte, sa Mines and Geosciences Bureau kon MGB-Caraga.
