BUTUAN CITY – Karon nang semanaha sugdan ang pagsuhid sa Taal lake alang sa pagpangita sa mga na-missing nga sabungero nga gika-ingong gitambog sa maong lawa niadtong tuig 2021 hangtud 2022.
Sigon ni Justice Secretary Jesus Crispin Remulla, pangunahan kini sa mga ahensiya sa kagamhanan sama sa Philippine Navy ug Philippine Coast Guard nga una nang nagpadayag sa ilang ka-andam sa nasangpit nga operasyon.
Nanghinaut ang kalihim nga sanungon na sa Japan karong semanaha ang ilang hangyo nga tabangan sila sa himuong operasyon. Dugang pa ni Remulla, dili nila isalikway ang posibilidad nga adunay laing lugar diin gilubong ang mga sabungero.
Apan bisan pa niini, gipasabot sa opisyal nga lig-on ug lig-on ang impormasyon nga ilang nabatonan kung asa ipahigayon ang technical diving operation.
Ang pamahayag ni Justice Secretary Jesus Crispin Remulla.
Una nang gibutyag sa whistleblower nga si Julie “Dondon” Patidongan kinsa mas nailang si alyas Totoy, nga gipabug-atan matud pa ang sako nga gisudlan sa lawas sa nasangpit nga mga indibidwal adiser gitambog sa maong lawa.
