BUTUAN CITY – Miresulta sa mga pagbaha ug pagkadaot sa mga umahan ug uban pang mga pananom ang padayong nagtunhay nga southwest monsoon kon hanging habagat sa tibook Pilipinas, nga gipasamot pa sa bagyong Bising ilabina sa amihanang bahin sa nasod kansa subli na usab nga mosulod sa Philippine Area of Responsibility.
Una nang gideklara sa Philippine Atmospheric, Geophysical and Astronomical Services Administration (PAGASA) ang pagsugod sa ting-ulan sa Pilipinas niadtung Hunyo dos.
Apan kagahapong adlawa, daghang mga mag-uuma na sa Benguet ang gi-harvest ang ilang mga pananom sama sa cabbage tungod sa hulga sa pag-ulan nga posibleng makapalata sa mga niini.
Sa amihanang Luzon usab, partikular sa Pagudpud, Ilocos Norte, wala na nakapalawod pa ang mga mangingisda tungod sa daot nga panahong dala ni Bagyong Bising. Sa Mindanao, apektado usab ang ubang mga luagr sa southwest monsoon, diin daghan sa mga probinsya sama sa Sarangani ug Davao Occidental ang nakasinati og mga pag-baha ug pagdahili sa yuta.
