BUTUAN CITY – Posibleng sa sunod na tuig na masugdan ang trial proper alang kang kanhi Pangulong Rodrigo Duterte nga nag-atubang sa kasong crimes against humanity sa International Criminal Court (ICC).
Sumala ni ICC-accredited lawyer Gilbert Andres, taliwala nga daghan ang interesadong sugdan ang pagtaral kontra sa kanhi Presidente, kinahanglan matud pang sundon ang due process alang kang Duterte.
Una niini, kinahanglan matud pang mapamatud-an una sa prosecution nga dunay igong basehan arun masugdan na ang pagtaral batok kang Duterte.
Kahinumdumang gikatakda ang confirmation of charges hearing kontra kang Duterte sa Setyembre 23 ug dere gilaumang ipresenta sa prosecution panel ang duha ka mga testigo lakip na ang uban pang mga ebidensiya nga nalikom arun mapamatud-ang kinahanglan gayud nga taralon ang kanhi Presidente.
Human matud pa sa September 23 hearing, hatagan pa og duha ka bulan kon 60 ka adlaw ang Pre-Trial Chamber arun tun-an ang mga ipresentang mga ebidensiya taman sa magpagawas og resolusyon kung ipadayon ba ang pagtaral o mapawalay-sala ang kanhi Presidnete.
Kung mapadayon ang pagtaral, mamahimo matud pang sa bulan na sa Enero o Pebrero sa sunod tuig kini masugdan.
