Ning saka na sa 27 ang mga namatay sa flash floods sa Texas, USA. 18 niini ang mga hamtung, samtang 9 usab ang mga bata.
Subay niini, nagpadayon ang lapad nga search and rescue operation sa entiro estadu human nga wala pa gihapon makita ang 27 usab ka mga batang babaye nga nangawala tungod sa maong kalit nga pagbaha. Sayrang lakip ang maong mga nangawala sa usa ka Christian summer camp.
Kahibaloang nakapadala pa og warning ang mga otoridad alang sa posibleng pagsaka sa water level sa Guadalupe River, apan wala ra’y usa ka oras, mi-igo gilayon ang dakong baha nga mibanlas sa mga naagi-an niining mobile homes, mga sakyanan ug mga holiday cabins nga maoy gisak-an sa mga tawo alang sa ilang July 4 weekend holiday.
Lakip ang mga nawalang mga batang babaye sa 750 ka mga mitambong sa Camp Mystic sa San Antonio. Gideklara gilayon ang state of emergency sa pipila ka mga counties kondiin ubay-ubay nga mga dalan ang nabanlas ug naputol usab ang linya sa komunikasyon.
Subay niini, gipaniguro ni US President Donald Trump nga nakigtinabangay na ang iyahang administrasyon sa mga nagkalain-laing ahensya sa maong nasod alang sa pag responde sa maong katalagman.
