BUTUNA CITY – Naka-abot na sa Pilipinas kagabii ang 13 ka mga overseas Filipino workers kon OFWs gikan sa Israel, human mitugpa sa Ninoy Aquino International Airport (NAIA) ang ilang gisakyang abyon.
Gisugat sila sa mga opisyal sa Department of Migrant Workers (DMW), Department of Social Welfare and Development (DSWD), Overseas Workers Welfare Administration (OWWA) ug mga medical team gikan sa Manila International Airport Authority. Gihatagan usab sila og temporaryong kasak-an, transportasyon ug mga medical care.
Misaad usab ang DMW ug ang OWWA nga mohatag kanila og panginabuhian, trabaho ug tabang-panglawas. Niadtong Huwebes usab, ning-abot sa nasod ang 13 ka mga Filipino caregivers gikan sa maong nasod, kansa mao na ang ika-38 nga batch sa mga OFW nga gipapauli gikan sa Israel sukad gisugdan sa gobyerno ang voluntary repatriation program dihang gi-atake sa Hamas ang Israel niadtung Oktubre 7, 2023.
Sila usab ang ikaduhang grupo nga gipapauli sa nasod sukad nagbinayloay ang Iran ug Israel og mga missile ug airstrikeS niadtong Hunyo 13 ning tuiga sa wala pa gipatuman ang ceasefire niadtong Hunyo 24. Sa kinatibuk-an, base sa datos gikan sa Philippine Embassy sa Tel Aviv, duna nay 1,333 ang na-repatriate gikan sa Israel sukad niadtung Oktubre 7, 2023 hangtod Hunyo 12, ning tuiga.
