BUTUAN CITY – Posibleng ugma pa sa hapon, Hunyo 5, mahabwa ang patayng lawas sa upat ka mga minero nga anaa sulod sa tunnel sa Aguasn del Sur kansa nasudlan og tubig.
Sumala sa membro sa usa ka minero nga si Ronaldo Torreblanca, sa eksklusibong pakighinabi ning sibyahan, nga kamulo pang gisuyopan ang nasangpit nga tunnel. Apan subay niini, hinay ang habwa sa tubig rason nga laumang ugma pa kini sa hapon mahubas, ayha makuha ang mga gituohang nalumos na nga mga minero.
Sayrang wala makagawas sa tunnel ang upat ka mga minero dihang mibuto ang gisudlan nilang tunnel sa bukirang bahin sa Sitio Cosep, Purok 11 Barangay Bayugan 3 Rosario Agusan del Sur. kagahapong adlawa, Hulyo 3.
Subay ni Torrebalnca, gibana-banang anaa sa 100 sets o 100 ngato sa 300 metros ang giladmon sa maong tunnel.
Kahibaloang 26 ka minero ang anaa sulod sa maong tunnel, apan nakagawas lamang ang uban human dunay nanghagad kanila nga mohaw-as na arun mangaon.
Sa kasamtangan, kamulo pa ang paghabwa og tubig sa nasangpit nga tunnel gamit ang water pump.
Apil sa mga biktima ang duha ka na-ila lang sa apilyedong Balagno, usa ka Bustamante ug si Dior Tabugon.
