BUTUAN CITY – Pasado na sa House of Representative sa Estadus Unidos ang major tax spending bill ni President Donald Trump kansa mao ang “One Big Beautiful Bill Act”, kansa napapasar atol mismo sa deadline niini karong adlawa, Hulyo 4.
Una kining napapasar sa Senado niadtung Hulyo 1 pinaagi sa boto nga 50-51, kansang tie record, gibuak lamang ni Vice President JD Vance.
Nahimong kontrobersyal ang maong balaudnon ilabina alang sa mga Democrats, human gikunhuran ang health care sa mga US citizens lakip na sa mga low-income Americans.
Unang gisugyot ang maong balaodnon sa House of Representatives, ug human kini nipasar sa senado, subli kining gidebatehan sa House alang sa final version niini nga permahan unya ni President Donald Trump.
Unod sa maong sugyot balaodnon nga kunhuran ang buhis ngadto sa $3.8 trillion pinaagi sa tax breaks; kunhuran ang funding sa mga welfare programs sa US sama sa Medic-aid, kon healthcare program alang sa mga Americano ug tugotan usab ang panggamhanan nga mu-utang og $5 trillion.
