BUTUAN CITY – Hugot nga gibarugan sa relihiyosong sektor ning syudad sa Butuan nga wala nay makabuwag pa sa kung unsa ang gihiusa sa diha sa Dios.
Kini ang pamahayag ni Pastor Jun Ybañez, spiritual leader sa usa ka Kristuhanong simbahan ning dakbayan, human nga nihimong hisgutanan karon nga semana ang divorce sa Pilipinas.
Kahinumdumang giduso sa duha ka partylist sa Kamara ang mga sugyot balaodnon kagahapong adlawa may kalabutan sa divorce. Kini ang House Bill 108 ug House Bill 210 pinaagi nila ni Rep. JC Abalos sa 4Ps Partylist ug Reps. Antonio Tinio sa ACT Teachers ug Renee Louise Co nga representante sa Kabataan Partylist.
Sumala ni Pastor Ybañez nga subo mang pamalandungon nga duna gayuy nga Pilipino, ilabi na kadtung mga babaye, ang nahimong biktima sa abusadong kaminyon, kinahanglan gayud gihapong barugan ang kamatuoran nga kung ang Ginoo ang nagbugkos sa kaminyoon, wal nay maka buwag niini.
Tungod niini, gidasig sa Pastor ang mga mosulod sa kaminyuon nga dili lang lantawon ang kaanyag o kaambungan kung magminyo, kundili lakip usab sa ikunsidera ang pagtuo, tungod kay sumala niini, dakong epekto kini nga aspeto sa kaminyuon.
Subay niini, gipanghinaut usab sa religious sector nga kung mahimo, dili sa gayud una mo sulod sa Premarital Sex. Sigon pa ni Pastor Jun nga wala usab gi encourage s simbahan nga kinahanglang ipakasal gayud ang magtiayong nisulod na sa premarital sex tungod kay kinahanglan pa mang susihon sa hingpit ang partner niini adiser sila ipakasal, kini arun maka likay na usab sa long-term ug grabe nga consequences sa sayop nga kaminyoon.
