BUTUAN CITY – Gipanghimakak sa grupong Kalinaw Davao De Oro ang mga post online sa grupong Kabataan nga nag-alegar sa kapulisan ug kasundalohan nga ilegal matud pa ang pagdakop sa gibansagang Agusan 8 kon kadtong walo ka mga batan-on nga nadakpan sa checkpoint sa Brgy.
Bunawan Brook, lungsod sa Bunawan, Agusan del Sur.
Sumala ni Jam Saguingo, ang advisor sa Kalinaw Davao De Oro, sila mismo makapamatuod nga dili mga human rights activists ang nasangpit nga mga dinakpan tungod kay mga membro kini sa walhong kalihukan kinsa ilang naka-uban adiser sila nisurender sa kagamhanan.
Nasayrang gimugna ang non-government organization nga Kalinaw Davao De Oro sa mga kanhi rebeldeng New People’s Army kon NPA, rason nga nasayod sila sa pangalan ug sa gipakigbisugan sa Agusan 8.
Kahinumdumang gibisita sa non-government organization nga Kalinaw Davao de Oro ang mga dinakpang walo ka mga rebelde sa Bunawan Municipal Police Station ning nakalabayng adlaw diin nahimong emosyonal ang maong pagbisita tungod kay uban man sa maong grupo ang pamilya sa pipila ka mga dinakpan, kondiin uban, kapin usa ka dekada na mang wala makita ang ilang pamilya.
Ang pamahayag ni Jam Saguingo, ang advisor sa Kalinaw Davao De Oro sa eksklusibong pakighinabi ning sibyahan.
