BUTUAN CITY – Wala na gikakurat sa pipila ka mga Pilipino nga anaa sa Australia ang wala pagdawat sa moang nasod sa gibutyag ni Vice President Sara Duterte, sa iyang pag-atubang sa mga tigbalita sa Melbourne, nga apil sa listahan sa mga nasud nga gitan-aw sa iyang amahan ang Australia isip posibleng host country alang sa iyang temporaryong kagawasan ugaling tugutan sa International Criminal Court kon ICC ang gihangyo sa iyang kampo nga Inrerim release.
Sumala pa ni Denmark Suede, Bombo International Correspondent sa Australia nga sensitibo matud pa ang nahisgutang nasod sa human rights violation. Gani, gihimo pa niining ehemplo ang baruganan sa maong nasod nga outright rejection gilayon ang imong madawat ugaling masayran nga Human Rights Violator ang mo-apply kanila og visa.
Subay pa ni Suede nga wala kini laing nakita arun nga mamahimong prospect sa kampo ni Duterte ang nasod sa Australia, kundli mao lamang and duol nga distansya niini sa Pilipinas. Dugang niini nga kinahanglan matud pang mangita og pamaagi ang abogado sa mga duterte arun dili ma dismiss ang nasangpit nga kaso ug mabayran siya sa pamilyang Duterte.
Alayon niini, nagtuo usab si Sude nga dili ingon niaana ka lapad ang suporta nga makuha sa pamilyang Duterte sa Australia, sanglit lakip man kini sa mga nasod asa wala nag number one si Senador Bong Go – kaalyado sa pamilyang Duterte – niadtung midterm elections.
Nagtoo usab kini nga mas maayo kung dili sa Pilipinas dunggon ang kaso ni Duterte tungod kay dili matud pa patas ang hustisya sa nasod pag-abot sa mga adunahan.
Nagdumili ang gobyerno sa Australia nga mahimong host country alang kang kanhi Pangulo Rodrigo Duterte alang sa iyang temporaryong paggawas.
Kini human unang gibutyag ni Vice President Sara Duterte sa iyang pag-atubang sa mga tigbalita sa Melbourne, nga apil sa listahan sa mga nasud nga gitan-aw sa iyang amahan ang Australia isip posibleng host country alang sa iyang temporaryong kagawasan.
