BUTUAN CITY – Nakaabot na sa The Hague, Netherlands si US President Donald Trump arun motambong sa pinaka una niining North Atlantic Treaty Organization kon NATO Summit sa iyahang ikaduhang termino isip Presidente sa Estadus Unidos. Sentro usab ang pag-abot ni Trump sa maong summit ilabi na nga bag-o pa lamang kining nagpataliwala sa gyera tali sa Israel ug Iran.
Lambigitan usab ni Trump ang panihapon karong mga taknaa nga pangunahan sa Dutch King. Lakip sa maong panihapon ang 32 ka mga nagkalain-laing lider sa Europa. Lakip sa higutan sa maong summit ang sugyot ni Trump ug sa mga kaubanan niining mga lider nga kinahanglang gahinan sa matag membro sa NATO og 5% GDP ang depensa.
Sa kasamtnangan usab nga NATO summit, wala nay dakong papel ang Ukraine, dili parehas sa nakalabay nga mga summit nga dunay leaders-level meeting sa NATO-Ukraine Council, karon, sideline nalmang ang lambigitan sa maong nasod sa pagpanguna sa Presidente niining si Volodymyr Zelensky.
