BUTUAN CITY –Ningsaad ang Israel nga respetuhon niini ang ceasefire tali sa Iran human sa 12 ka adlaw nga gyera ug binayluay og missile.
Sumala ni Israeli Defence Minister Israel Katz human sa pakighinabi niini kang US Defense Secretary Pete Hegseth nga respituhon sa Israel ang maong ceasefire, basta lang kay respituhon usba kini sa Iran.
Subay niini, gidayeg usab ni Katz ang Estadus Unidos, ilabi na anng Presidente niining si Donald Trump tungod sa pagpangusog matud pa niini sa pagbomba sa nuclear site sa Iran.
Subay niini, nagbahad usab si Prime Minister Benjamin Netanyahu nga sibling bombahan sa Israel ang Iran ugaling sulayan pa niini og tukod og mga nuclear facilities sa ilahang nasod.
Gideklara usab niini nga napukan matud pa nila ang Iran. Sa pikas bahin, nagdeklara na usab ang Iran og kadaugan batok sa Israel, diin sumala pa ni President Masoud Pezeshkian nga ang Iran matud pa ang nahimong hinungdan sa nasangpit nga hunong-buto.
