BUTUAN CITY – Dismayado ang Malakanyang human gikaminusan ni Vice Pres. Sara Duterte ang pagka tourist spot sa San Juanico Bridge.
Sumala ni Palace Press Officer Claire Castro nga ang maong tulay, kansa dunay gitas-ong 2.16km ug gitukod pa niadtung 1973 kay simbolo matud pa sa kaanyag ug engineering capabilities.
Wala usab matud pa sa kamubo ug sa kataas sa tulay ang pagka-tourist spot niini. Gihimong ehemplo ni Castro ang Golden Gate sa San Francisco, California ngaa duna lamang gitas-ong 2.7 kilometers, ingon man ang El Marco nga nagkonektar sa Spain ug Portugal nga unom lamang ka metros, apan nahimo gihapong tourist spot.
Dugang sa opisyal nga makasubo lamang tungod kay samtang aligre nga gi-pasundayag ni Pang. Marcos ang turismo sa Pilipinas, parehong Pinoy lamang usab matud pa ang mopahagsa niini.
Reaksyon kini sa Malacanang sa pamahayag ni Vice President Sara Duterte sa Australia kansa gi-kwestyon ang pagka tourist spot sa nasnagpit nga tulay.
