BUTUAN CITY – Ning kabat sa 1-milyon ka mga new smokers, sa vape ug sigarilyo nga nag-edad og 10 ngadto sa 19 anyos ang natala sa Pilipinas niadtung tuig 2023, sigon kini sa gipagawas nga 2023 National Nutrition Survey, sa Department of Science and Technology – Food and Nutrition Research Institute (DOST-FNRI).
Nasuta sa maong pagduki-duki nga duna matud pay kapin sa 15 milyones ka mga tig-panigarilyong hamtung sa Pilipinas. Subay niini, anaa matud pa sa 8-milyones ka mga indibidwal sa tibook kalibutan ang mamatay matag tuig tungod sa komplekasyon agi sapagpanigarilyo.
Tungod niini, gilusad sa youth advocate nga Positive Youth Development Network (PYDN) ang “TobaccOFF NOW!” campaign kansa nagtumong sa pagkundina sa mga tobacco companies tungod sa ilahang mga marketing strategies kansa nag-punting sa mga kabataan.
Sigon sa maong grupo, usa matud pa sa nakapadaghan sa mga nangamatay nga mga indibidwal tungod sa pagpanigarilyo ang marketing strategie sa mga tobacco companies nga makadani sa mga kabatan-onan, sama nalang sa flavored products, social media marketing, influencer partnerships, ingon man mga attractive packaging.
Lakip sa policy goals sa protestang gilusad sa maong advocate group ang mga mosunod: patas-an ang legal age sa nicotine-based products ngadto sa 21 anyos; pahugtan ang distribution channels nga dili ma-access sa mga kabatan-onan; i-ban ang tanang nicotine products; mas striktong advertising, sponsorship ingon man promotion sa mga sigarilyo; ug ang pagpasaka sa mga nicotine products.
