BUTUAN CITY – Dakong inspirasyon alang sa mga kabataan sa Datu Saldong Domino Elementary Schools sa Brgy. Simbalan, Buenavista, Agusan del Norte ang pagbisita ni Department of Education kon DepEd Secretary Sonny Angara sa maong tunghaan kagahapong adlawa dala ang solar power ingon man mga electronic gadgets aron magamit sa mga magtutungha.
Sumala sa tigpamaba sa Department of Education kon DEPED-Caraga nga si Pedro Tecson, dakong tabang alang sa kabataan ang ‘Free Wi-Fi for All’ program sa nasangpit nga eskwelahan tungod kay gi-isyuhan man sila og mga computers, smart television sets, laptops, ingon man starlink alang sa internet connectivity.
Pasigarbo ni Tecson nga taliwala sa kalayo, duna na’y access sa teknolohiya ang mga kabataan sa maong dapit.
Gipa-abot usab nga mensahe ni Secretary Angara nga ang gobyerno gayud ang muduol sa mga katawhan, ilabi na niadtung kumonidad nga tungod sa kalayo, wala’y kurente ingon man mga teknolohiya.
Nasayrang gawas sa DepEd Secretary, gisaksihan usab kini ni DepEd-Caraga regional director Maria Ynez Asuncion, ingon man ang mga underseretaries sa ahensya ug uban pang mga lider sa probinsyal nga pangamhanan.
Gikalipay usab sa mga opisyal ingon man mga magtutudlo ang pagbisita sa kalihim sa maong lugar tungod kay nagpakita lamang kini nga naminaw gayud ang Secretary sa mga yangu-ngo sa katawhan.
Ang pamahayag ni DepEd Caraga Spokesperson Pedro Tecson.
Ang maong kalihukan kabahin sa mas gipalapdang inisyatiba sa panggamhanan alang sa pag-empower sa mga lagyong tunghaan pinaagi sa paghatag niini og digital access.
Gitambungan usab ang nasangpit nga kalihukan ni Pangulong Ferdinand “Bongbong” Marcos Jr. ug DICT Secretary Henry Aguda via zoom.
