BUTUAN CITY – Padayong nadugangan ang ihap sa mga Overseas Filipino Workers kon OFWs nga gustong magpa-repatriate sa Pilipinas tungod sa walay hunong nga binombahay tali sa Israel ug Iran.
Sumala ni Department of Migrant Workers Secretary Hans Leo Cacdac, mokabat na sa 109 ka mga OFWs ang gustong mouli dinhi sa Pilipinas. Sigon sa kalihim, walay hunong ang gobyerno sa Pilipinas paghimo og on the ground assistance sa mga apektadong Pilipino lakip na ang pagtabang sa usa ka Pinay nga kasamtangang nagpa-alim sa usa ka ospital sa Israel human kini na-angol tungod sa binumbahay sa duha ka nasud.
Anaa na usay 14 ka mga Pilipino nga natabangan sa ahensya kansa temporaryong nakipuyo sa ilahang accommodations. Subay niini, wala na matud pay dugang nga mga Pilipino nga ilang natala sa maong pag-atake. Wala usay hunong ang koordnasyon sa tanang mga agencies sa Pilipinas alang sa mga Pinoy.
Nagtuo usab si Cacdac nga kumplikado ang repatriation tungod sa sirado nga airspace ug airport restrictions sa Israel.
