BUTUAN CITY – Kasamtangan nang naka-isolate ang 30 ka mga indibidwal nga mikaon sa iro nga giihaw, human niini napaakan ang batang lalaki kansa nag-edad og 9-anyos sa Barangay Kihan, Malapatan, Sarangani Province niadtung Mayo 18.
Sayran nga ning Hunyo 10, namatay ang bata gumikan sa rabies.
Kahibaloang ning Hunyo 9 pa lamang nabantayan sa ginikanan sa maong bata nga nagpakita og sintomas sa rabies ang ilahang anak, saysay niini nga napaakan matud pa ang biktima niadtu pang Mayo sa wait niini, apan wala kini magsaba sa iyahang ginikanan.
Daling gidala ang biktima sa Rural Health Unit (RHU) arun mabakunahan, apan gibawian kini sa hinulamang kinabuhi pagka Hunyo 10.
Dali usab nga naghimo og contact tracing ang mga otoridad subay sa iro nga nakapaak, apan nasuta nga gi-ihaw diay ang nasangpit nga iro human niini napaakan ang ningtaliwan nga bata, ug gikaon pa sa 30 ka mga indibidwal.
Nabakunahan na ang mga nasampit nga indibidwal. Apan kamulo na og ligid ang imbestigasyon kung mahimo ba silang pasakaan og kaso tungod sa pag-ihaw ug pagkaon sa iro nga dunay rabies.
Base sa datos sa MHO-Malapatan, kini na ang unang natala nga kaso sa rabies nga gikamatay sa menor de edad sa ilahang lugar ning tuiga.
