BUTUAN CITY – Gipanghimakak ni Butuan City Councilor Cromwell Nortega nga “homophobic” ang post niini sa social media mahitungod sa pakighilkawas sa lalaki ngadto sa isig-kalalaki kansa maoy hinungdan sa pagsaka sa kaso sa Human Immunodeficiency Virus kon HIV sa Caraga Region.
Kahibaloang gikuninitan sa mga netizebs ang post sa Bombo Radyo nga nagpublisar sa pamahayag sa konsehal kansa gamit ang LGBTQ+ Community ilabina ang gay lingo nga kiki kansa nagtumbok sa pulong nga lalaki.
Lakip usab sa gikapungtan sa kumonidad ang gigamit niining Zany Face emoji nga daw nangantyaw sa iyang post.
Pasabot sa konsehal, tungod sa kadaghan sa mga dili maayong komento, gi-delete sa usa niini ka page admin ang maong post, butang nga mas nakamugna pa og kasaba sa social media.
Taliwala sa nadawat nga pagkundina sa konsehal, nalipay kining daghan ang nilambigit sa hisgutanang HIV sa iyang page, kansa ang uban, ning uyon sa iyahang pangutana, ug duna usay uban nga supak niini.
Pag-angkon pa ni Nortega, nasipyat lamang sila sa paggamit sa pulong nga “kiki” ingon man sa emoji, dugangan pa sa pag-delete sa maong post, apan pagklaro niini nga wala silay dautang tumong sa maong post.
Dugang pa sa konsehal nga bisan sa maong kaagi, dili siya homophobic kon dunay kasilag sa mga membro sa kumonidad sa LGBTQ+ nga mga indibidwal, tungod kay usa siya sa mga maduolan sa nasangpit nga kumonidad sa ilahang mga kalihukan ning syudad.
Gikakurat usab sa konsehal ang balitang gipublisar ning sibyahan nga dunay headline nga “homophobic” kansa pag-conclude na matud pa sa maong hisgutanan, apan ang maong headline, kinutlo lamang usba gikan mismo pulong nga gigamit usab sa netizen nga nisaway sa post niini.
Ang pamahayag ni Butuan City Councilor Cromwell Nortega.
