BUTUAN CITY – Nasikop sa kapulisan sa Dapa, Surigao del Norte ang usa ka piniresong naka-ikyas gikan sa Davao Prison and Penal Farm samtang nagsilbi sa iyang sentensya sukad pa niadtong Mayo 30, 2012.
Ang subling nadakpang si alyas Niel, 53-anyos, ulitawo ug lumulupyo sa Barangay Cadawinonan, Dumaguete City, napriso human napamatud-ang sad-an sa Regional Trial Court Branch 43, sa Tanjay City sa kasong iyang gi-atubang.
Tungod sa iyang gihambing balatian, gidala kini sa Tagum General Hospital niadtong Mayo 22 ug misibat gikan sa maong ospital ning mi-aging alas-tres sa kaadlawon.
Sumala ni PCAPT. Violeto Pepito, ang Chief of Police sa Dapa Municipal Police Station, ilang nasikop ang maong eskapo sa Barangay Union, ug anaa na sa ilang kustodiya alang sa tukmang disposisyon ug naghulat sa iyang pagbalik sa Davao Prison and Penal Farm.
Gipasalig sa opisyal nga, pabilin gihapon nilang girespeto ang katungod sa nasangpit nga dinakpan aron makita ug mabati gihapon sa katawhan ang kasinsiro sa kapulisan, bisan pa man sa dakong sayop nga nahimo niini.
Ang pamahayag ni PCAPT. Violeto Pepito, ang Chief of Police sa Dapa Municipal Police Station.
