BUTUAN CITY – Dugmok ang kasingkasing sa duha ka mga menor de edad sa Cotabato City human namatay ang ilahang amahan tungod sa nalambigitan niining disgrasya, atul mismo sa adlaw kanos-a ilubong ang ilahang inahan.
Sumala sa Cotabato Provincial Police Office, naila ang biktimang si Junifel Conel, Sr., empleyado sa Cotabato Provincial Engineer’s Office. Subay sa imbistigasyon nga gimanihuan matud pa ni Conel ang Mitsubishi Adventure padulong sa usa ka water refilling station sa Barangay Kilada, Matalam naidtung sabado sa buntag, dihang kalit kining nawad-an og kontrol sa manubela ug nibangga sa nakaparking nga trak.
Tungod sa kakusog sa impact human nabangga ang maong sakyanan sa nakaparking nga Isuzu ten-wheeler truck kilid sa highway, dead on the spot si Conel. Samtang angul usab ang anak niining si Junifel, Jr. kansa kauban niini sa sakyanan.
Samdan usab ang driver sa trak nga si Ryan Puno Osumo, kansa daling nisurrender sa mga awtoridad sa Matalam Municipal Police Station alang sa imbestigasyon.
Sigon sa mga parente ingon man sa mga barangay officials sa biktima, posibleng nakatulog matud pa si Conel tungod sa kabilar niini atul sa vigil sa iyahang asawa nga namatay niadtung nakalabayng semana. Niadtung adlawa usab, ang lubong untana sa kapikas niini.
Sa karon, ilo na sa ginikanan ang duha ka mga menor de edad human sa kamatayon sa ilang amahan, dungan sa lubong sa ilahang inahan.
