BUTUAN CITY – Nagdinaganay ang mga turista sa bisinidadsa Mt. Etna sa Italy human kini nibuto kagabie. Makita sa mga video nga ning kuyanap online nga naglumba og naug ang mga turistang anaa sa kilid sa bulkan human nga kalit lang kining nibuga og daw panganod nga abo.
Subay niini, gipakanaug gilayon sa mga otoridad ang ubang mga nagpabiling nagbarog kilid sa nasangpit nga lugar arun lang masaksihan ang talagsaong pagbuto sa maong bulkan.
Madungog usab sa mga video ang dahunog sa pila ka toneladang mga bato nga gibuga sa maong bulkan. Sayrang ang Mt. Etna kay aktibong bulkan sa sidlakang bahin sa Sicily kansa matag tuig, ginadugok og halos 1.5 milyong turista. Sayrang ginarisgo sa mga turista ang ilahang kinabuhi sa pag bisita sa moang bulkan tungod sa ka nindot sa palibot niini.
Sigon sa mga ekperto, usa matud pa ka Strombolian eruption ang nahitabo sa nasangpit nga bulkan kagabie, oras sa Pilipinas, diin usa ka klase sa mubo apan kusog nga pabuto, kansa inubanan pa sa “fire fountain”, mga abo, ug dagkong tipaka sa mga bato.
